4-тӥ толсуре Калыкъёслэн Эшъяськон юртазы Удмуртиысь казачестволы 25 ар тырмонэзлы сӥзем ужрад ортчиз. Котырес лыдпус пусъёнэ пыриськизы: Ижкарысь но Удмуртиысь митрополит Викторин, Удмурт Элькун Тӧролэн но Кивалтэтлэн Администрацизылэн кивалтӥсезлэн воштӥсез Л.А. Кондаков, Удмурт Элькунысь йӧскалык политикая министр Л.Н. Буранова но солэн нырысетӥ воштӥсез П.А. Орлов, Россия Федерациысь юстиция министерстволэн Удмурт Элькунысь кивалтонниезлэн кивалтӥсьлэсь ужзэ быдэсъясь О.Н. Филиппова, Верхнекамьеысь нимысьтыз казак огазеяськонлэн атаманэз, казак полковник В.Н. Ерошенко, протоиерей Роман Воскресенских, Удмуртиысь казак огазеяськонъёслэн ёзчиоссы.

Та нуналэ чузъяськизы ортчем сюрес сярысь тодэ ваёнъёс, ӟечкыланъёс, тау карон кылъёс. Озьы ик люкаськемъёс пусйизы макем бадӟым уж нуо казакъёс егитъёсты будэтон удысын, пиналъёслы атыкай музъемез гажан пыӵатонын. Аръёс ортчемъя казак огазеяськонъёс люкиськыны кутскизы – та шонер ӧвӧл, лыдъяло тӧрлык ёзэсъёс но, огазеяськонъёслэн кивалтӥсьёссы но. Соин ик ваньзы огкылысь веразы – казак огазеяськонъёс азьпалан бадӟым уж сылэ – выльысь огазе кариськон.

Туспуктэм: Ижкар епархилэн пресс-службаез