Россия Федерациысь «Реализация государственной национальной политики» кун программа улсын Йӧскалык ужпумъёсъя федерал агентство Чуваш Элькунысь Кивалтэтэн валче Чебоксары карын 21–25-тӥ инвожое егитъёслы йӧскалыккуспо «Диалог культур» огъяросси лагерь радъя.

Одӥгез валтӥсь ужпумез – пӧртэм йӧслыкъем быгатӥсь но визьмо егитъёсты шедьтон, соосын калыкез тодматон. Егитъёс творческой ужен вырыны кулэ: аспӧртэмлыко традиционной техникаез, инструментъёсты, амалъёсты но быгатонлыкъёсты уже кутыны, со пӧлын асьсэ анай кылынызы.

Лагерь 8 ӧръёсъя ужа: «Национальной темалы сӥзем суред», «Чеберлыко киужъёс», «Калык шудон (спорт)», «Калык костюм», «Калык сиён-юонъёс», «Калык кырӟан», «Калык эктон», «Фольклор».

Йӧскалык ужпумъёсъя федерал агентство 1-тӥ куартолэзысен 1-тӥ инвожоозь быдэс Россиысь усточиосты бырйиз. Удмурт Элькунысь лагере ӧтемын вал Виолетта Анисимова, Надежда Сидорова, Мария Дмитриева, Раиля Рафикова, Роза Шамшетова.

Кибашлы нылашъёсмы толон Чуваш Элькунлэн лулчеберетэныз, учкымон интыосыныз тодматскизы.

Туннэ Чуваш Элькунлэн Тӧроеныз пумиськон чакламын, кытын пыриськисьёс сюлмаськытӥсь юанъёссэс сётыны, сэрттыны-пертчыны быгатозы.

Собере секциос ужаны кутскозы.

Ужды мед удалтоз, мылкыдды умой мед луоз!