Ужрадэ пыриськозы тодосчиос, дышетӥсьёс, шаерчиос. Конференциын эскерозы поръёслэсь лулчеберетсэс, фольклорзэс но кылзэс утён амалъёсты.

Ужалозы кӧня ке секциос, кудъёсыз эскерозы нимысьтыз юанъёсты. Огъя пленарной заседаниын эскериськозы тужгес но лэчыт, поръёсты шугъяськытӥсь юанъёс. Кылсярысь, дышетӥсьёс вералозы школаын пор кылэз, чеберлыко литератураез, историез дышетонын пумиськись шуг-секытъёс сярысь; шаерчиос мадёзы поръёслэн удмурт шаерын возиськемын вӧсяськон арамаоссы сярысь; тодосчос эскерозы бускель калыкъёслэн поръёслэн сям-йылолъёссазы, кылазы пытьызэс.Вылӥ верам но мукет темаосъя ужъёс пыртэмын луозы «Марийцы Удмуртии: история, традиции и современность» бичетэ.

Конференци радын ик ортчоз «Символы и образы марийского народа: прошлое, настоящее, будущее» нимо вожвылъяськонын вормисе потэм егит шаерчиосты дунъян. Жюри куинь номинациосъя («История одного героя: человек в чреде событий. Мариец в современном мире», «Искусство и литература марийцев», «Народная (традиционная и современная) культура марийцев») тужгес но усто эссеосты бырйиз.

Пыр-поч ивортодэт басьтон понна жингыртыны луоз «Удмурт Элькунысь поръёслэн лулчеберетъя йӥӧскалык автономизы» мерлыко огазеяськонлэн кивалтӥсезлы Рдыгин Анатолий Ильичлы – тел.: (3412) 63-10-21.

Конференциез радъяло: Удмурт Элькунысь йӧскалык политикая министерство, Калыкъёслэн Эшъяськон юртсы, “Удмурт Элькунысь поръёслэн лулчеберетъя йӧскалык автономизы” улосысь мерлыко огазеяськон, Историяя, кылъя но литературая удмурт институт, Дышетонэз азинтонъя институт, Нылпиослы ватсаса тодо-валан сётонъя элькун центр.