Кылем шутэтскон нуналэ Г.А. Кулакова нимо спорт комплексын 3 но 5 иськем дистанцие пыриськиз 622 адями, отчы пыриськизы быдэс Удмуртиысь но Перм улосвылысь куасэн бызьылыны яратӥсьёс. Пыриськисьёс пӧлын – православнойёс, мусульманъёс, иудейёс но старообрядецъёс.

Старт азьын пыриськисьёсты ӟечкылазы Удмуртиысь Тӧролэн но Кивалтэтлэн Администрацизылэн кивалтӥсез Александр Журавлев, Ижкарысь но Удмуртиысь митрополит Викторин, элькунысь муфтий Фаиз-хазрат Мухамедшин, «Звезда Давида» еврей огазеяськонлэн валтӥсь раввинэз Михаил Голуб, йӧскалык политикая министр Эдуард Петров но мугор лулчеберетъя но спортъя министр Денис Парахин.

Александр Журавлев пусйиз, спартакиадалэн вормисьёсыз тодмоесь ини – со ваньзы, кинъёс спорт комплексэ вуизы.

Спартакиадалэн кутсконаз семья бызьылон радъямын вал, нош вань мылкыд карисьёс шулдыр стартъёсы но мастер-классъёсы пыриськизы, кудъёссэ Удмуртиысь православной егитъёс ортчытӥзы.

Гужем радъямын луоз на спартакиадалэн эшшо кык люкетэз (0+) – кросс но уйпал ветлонъя ӵошатсконъёс.