Мерлыклы кулэ луись ӵектосъёсъя «Калыкъёс трос – странамы одӥг» элькун вожвылъяськонлы йылпумъянъёс лэсьтэмын. Конкурслэн валтӥсь мугъёсыз – удысужлы дышетон ужъюртъёслы калык кусыпъёсты радъяны, экстремизмен но терроризмен нюръяськыны юрттон но та удысэз азинтон.

Вожвылъяськонэз радъязы Удмурт Элькунысь йӧскалык политикая министерство, «Удмуртиысь калыкъёслэн ассамблеязы» мерлыко огазеяськон, Калыкъёслэн Эшъяськон юртсы.

Вожвылъяськонлэн ӧриез Ижкарысь, Можгакарысь, Сарапулысь, Алнаш но Балезино ёросъёсысь дышетон ужъюртъёсысь вуэм ӵектосъёсты эскеризы.

Вормисе потӥзы таӵе дышетон ужъюртъёс: «Вузкаронъя но экономикая Ижкарысь техникум», «Социально-педагогической удмурт элькун колледж», «Вылӥ юридик колледж», «Балезиноысь политехнической колледж», «Сарапулысь индустри техникум», «В.А. Шутов нимо радиомеханической техникум», «Можгаысь Т.К. Борисов нимо дышетӥсьёсты дасясь колледж», «Ассанысь аграрно-технической техникум», «Сарапулысь политехнической техникум».

Котькудӥз ӵектос тупаса улонлы, калыкъёслэсь кусыпсэс радъянлы, Удмуртиын улӥсь калыкъёслэн сямъёсынызы тодматонлы сӥземын.

Проектъёс улонэ пыӵатӥськозы 2016-тӥ ар йылпумъяськытозь.