Удмурт Элькунысь йӧскалык политикая министерство мерлыклы кулэ луись ӵектосъёсты быдэстыны субсиди сётон вылысь удысужлы дышетон ужъюртьёслы «Калыкъёс трос – странамы одӥг» вожвылъяськон ортчытэ. Коньдон висъяське «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез но «2013-2020-тӥ аръёсы «Йӧскалыкъёслэсь кусыпъёссэс юнматон но мерлыко улонзэс азинтон» Удмурт Элькунысь кун программаез быдэстон улсын.

Вожвылъяськонлэн мугъёсыз – калык кусыпъёсты радъян, экстремизмен но терроризмен нюръяськон.

Вожвылъяськон удысужлы дышетон ужъюртъёслы калыкъёс куспын тупаса но гажаса улон валатонъёсты егитъёс пӧлы вӧлмытыны, йӧскалык кусыпъёсты радъяны юрттыны, озьы ик та удысын тодон-быгатонъёсты мукет ужъюртъёслы возьматыны кулэ.

Заявка сётыны луэ 9-тӥ куарусёнозь 2016-тӥ арозь таӵе адресъя: Ижкар к., Орджоникидзе ур., 33 А юрт, Калыкъёслэн Эшъяськон юртсы, 210-тӥ каб., 8.30-17.30.

Пыр-поч ивортодэт басьтыны луэ Валатэтысь.

Герӟет тодэтъёс: (3412) 68-78-39 – Васева Вера Васильевна, Удмурт Элькунысь йӧскалык политикая министерствоысь план лэсьтонъя но йӧскалык азинтонъя ёзэтэн кивалтӥсь.

(3412) 63-10-24 – Трубицына И.А., Калыкъёслэн Эшъяськон юртысьтызы ӧнерчи.

Вожвылъяськон сярысь валат (Положение)

Министрлэн вожвылъяськон сярысь приказэз