Куараосты лыдъяса-чотаса тодмо луиз, огазеяськонлэн кивалтӥсез луиз УЭ-ысь Кивалтэтысь Председателезлэн воштӥсез Наталья Тойкина.

Ӟуч лулчеберетъя огазеяськон элькунысьтымы йӧскалык-лулчеберетъя огазеяськонъёсысь бадӟымъёсыз пӧлысь луэ: вань каръёсын но ёросъёсын 30-лэсь тро ёзэтъёсно 60-лэсь трос ӟуч лулчеберетъя центръёс ужало.

Бадӟым ӵектосъёс:

• Элькун Вӧйдыр
• «Высокий берег» фестиваль
• Зеленин нимо «Окно в небо» калыккуспо фестиваль
• «Сад дружбы народов» но «Поэтическая аллея» ӵектосъёс.

2026-тӥ арын, кудзэ Владимир Путин Россиысь калыкъёслэн огъя луэмзылэн ареныз юнматӥз, Ӟуч лулчеберетъя огазеяськон выль ужпумъёс пуктӥз:

• Кун кылдытӥсь ӟуч кылэз юнматон, утён но вӧлмытон
• Егитъёслы патриотизм, граждан мылкыд пыӵатон, «Спас» егитъёслэн огазеяськонзэс улӟытон
• Лулпуш-сӥбур дунлыкъёсты юнматон.

Ӟечкыласькомы Наталья Владимировнаез быръёнэн! Со возьматэ кивалтӥсьёс бадӟым саклык висъяло ӟуч лулчеберетэз, калык узырлыкез утёнлы но азинтонлы.

Сӥзиськомы азинлык, пайдалыко ужъёс но малпанъёсты улонэ вӧлмытыны!

Ӟуч калык котьку но кужмо юн семья луоз!