Кенешонэ пыриськизы йӧскалык-лулчеберетъя огазеяськонъёслэн кивалтӥсьёссы, УЭ-ысь йӧскалык политикая министерствоысь но Калыкъёслэн Эшъяськон юртысьтызы ужасьёс.

Йӧскалык-лулчеберетъя огазеяськонъёслэн азьветлӥсьёссы УЭ-ысь йӧскалык политикая министрен Эдуард Петровен 2025-тӥ арлы йылпумъянъёс лэсьтӥзы.

Нимысьтыз саклык висъямын вал вуись Россиысь калыкъёслэн огъя луэмзылэн арезлы, эскеризы эсэпланъёсты но йӧскалык-лулчеберетъя огазеяськонъёслэсь малпанъёссэс адӟытӥзы.

Эдуард Петров кивалтӥсьёслы тау кариз бадӟым но кулэ луись уж нуэмзы понна, ӟечкылаз Вуись Выль арен но юн тазалык, выль вормонъёс сӥзиз.