Йӧскалык-лулчеберетъя огазеяськонъёслэн азьветлӥсьёссы УЭ-ысь йӧскалык политикая министрен Эдуард Петровен но Удмуртиысь Тӧролэн но Кивалтэтлэн Администрацизылэн кивалтӥсен Александр Журавлевлен 2024-тӥ арлы йылпумъянъёс лэсьтӥзы.

Йӧскалык политикая министр пусйиз, ар туж яркыт но пайдалыко ортчиз, этнокультурной но вӧсьбур ужрадъёслы туж узырлыко шуыса. 2024-тӥ арын 50 миллион манетлэсь трос грант утэмын йӧскалык политика удысын ӵектосъёсты улонэ вӧлмытон понна.

Озьы ик кенешон улсын данъетан ортчиз. УЭ-ысь Тӧролэн но Кивалтэтлэн Администрациезлэсь таукаронъёсын пусъемын Калыкъёслэн Эшъяськон юртысьтызы ӧнерчиос Мария Уткина но Роман Серов. УЭ-ысь йӧскалык политикая министерстволэсь таукаронъёссэ басьтӥзы Калыкъёслэн Эшъяськон юртысьтызы режиссер Валерия Главатских но методист Александр Ильин.

Эдуард Петров пусйиз йӧскалык-лулчеберетъя огазеяськонъёсын воштӥськонъёс сярысь. Озьыен, Удмурт егитъёслэн «Шунды» огазеяськонзылэн тӧроез луиз Александр Ильин, нош УЭ-ысь бигер егитъёслэн «Иман» огазеяськонлэн – Азалия Файзуллина.

Министр докладаз вераз 2024-тӥ арын ортчем ужрадъёс но соослэсь ужъемышъёсыз сярысь.

Эдуард Петров кивалтӥсьёслы тау кариз бадӟым но кулэ луись уж нуэмзы понна. Ватсаз, этнокультурной удысын тыршемзы сяна, соос СВО-е пыриськисьёслы но семьяоссылы юрттэт лэсьто шуыса.