Таяз аре Сарапул викариатстволы 155 ар тырмиз, 105 ар талэсь азьло нимаз епархия кылдӥз но 10 ар ортчиз солэн вылдӥськон дырысеныз.

Покровской кафедрал соборын Инмар литургиез радъязы: Ижкарысь но Удмуртиысь митрополит Викторин, Яранский но Лузский Паисий епископ, Глазкарысь но Эгралась епископ Виктор, Сарапул карысь но Можгакарысь епископ Павел. Службаез ортчыны юрттӥзы Ижкар, Яранской, Глазкар, Казанской но Сарапул епархиысь духовенство. Григорий Панфилов регент-иеродикон Москваысь Сретенской духовной академиысь кырӟась хорен кивалтӥз.

Ужрадын Митрополит Викторин Сарапул карлэсь Тӧрозэ В.М. Шестаковез I степенё «За жертвенные труды» медален данъетаз. Озьы ик, Ӟуч Православной Черклы мыло-кыдо ужамез понна тау кылъёс но азьланяз валче ужан пумысен осконзэ вераз. Ижкарысь но Удмуртиысь митрополит Викторин котырес лыдпуссэ пусъёнэн валче, владыка Павел солы Россиысь Императорской Юртлэсь нимысьтыз награда сётӥз – II степенё Святой Анна нимо орден.

Талэсь азьло кафедрал соборе ваемын вал Николай святительлэн чудотворной Николо-Березовской обросэз (образэз). Обросэз Сарапульской ветлонэ пыриськисьёс вайизы, кудӥз туэ кык нунал ӵоже Сарапул ёростӥ радъяськиз. Тарасово черкогуртысен 40 иськемлэсь ятыргес ортчоно вал.