Заседанилэн ужаз пыриськозы коммерциен герӟаськымтэ огазеяськонъёслэн кивалтӥсьёссы, министерствоын но Калыкъёслэн Эшъяськон юртазы ужасьёс, озьы ик УЭ-ысь Йӧскалык политикая министерство бордысь Мерлык кенешлэн ёзчиосыз.

Ужрадын коммерциен герӟаськымтэ огазеяськонъёслэн кивалтӥсьёссы Россия Федерацилэн кун кылъя политикаысьтыз выль Концепциеныз тодматскозы, Россия Федерациысь Кылкутонэз быдэстонъя Федерал службаысьтыз Удмурт Элькунъя кивалтоннилэн эмъян-тупатонъя ужъюртъёсын этносъёс но вӧсьбуръёс куспын ортчытъяськись ужрадъёс сярысь ивортозы но кун йӧскалык политика удысэн герӟаськем мукет ужпумъёсты эскерозы.
Озьы ик кенешонэ пыриськисьёслы Ижкарысь епархилэн Вӧсьбур югдытон центртӥз экскурсия ортчытозы, соку ик тодматскозы дано ӟуч полководецлэн, генералиссимуслэн но сӥё-дано подвижникезлэн Александр Васильевич Суворовлэн музееныз.

Кенешон ортчоз 25-тӥ пӧсьтолэзе 16 часын Ижкарысь епархилэн Вӧсьбур югдытон центраз (Ижкар к., Свердлов нимо ур., 9-тӥ юрт).