21-тӥ толшоре Калыкъёслэн эшъяськон юртазы Ымусьтонлы, вожодырлы сӥзем «Святки-колядки» концерт ортчоз.

Украинаын вашкала дырысен возисько Ымусьтонэз пусъён сям-йылолъёс. Та праздникез ӵыдытэк витё нылпиос. Дыр вуэ ке, соос коркась корка колядаос кырӟаса ветло. Кузёос пыремъёслы шумпото, коньдон яке ческыт кузьым сёто.

Концертэ пыриськозы украин лулчеберетъя «Громада» мерлыко огазеяськонлэн ёзчиосыз, ёросъёсысь кырӟасьёс но коллективъёс. Татын чузъяськозы калык кырӟанъёс, вашкала колядаос, возьматэмын луозы калык сям-йылолъёс.