18-тӥ толшоре улонысь кошкиз Фнун Гавасович Мирзаянов, «Удмурт Элькунысь бигеръёслэн мерлыко центрзы» мерлыко огазеяськонлэн кивалтӥсез. Туэ солы 65 арес тырмысал.

Куамын арлэсь кема «Ижмашын» но «Альтонын» ужаз. Уж удысаз кивалтыны, калыкен вераськыны-кенешыны быгатэмез понна, котькыӵе ужборды мыло-кыдо басьтӥськемез понна сое котькин гажалляз. Соин ик 2001-тӥ арын Фнун Гавасовичез «Удмурт Элькунысь бигеръёслэн мерлыко центрзы» мерлыко огазеяськонлэн кивалтӥсяз но бырйизы.

Фнун Гавасовичлэн мерлыко ужъёсыз вераса быдтонтэм. Соос нимысьтыз иныт басьто бигер калыклэн улон радаз. Кылсырясь, аслаз калыкез понна со тыршиз Ижкаре мечеть пуктыны, бигеръёслэсь йӧскалык автономизэс кылдытыны, Удмурт кун университетын кылосбур факультетын но Педагогикая училищеын бигер ёзэт усьтыны, нылпи садъёсы бигер группаос кылдытыны, каръёсысь но ёросъёсысь школаосы бигер лулчеберетъя кабинетъёс лэсьтыны, трос пӧртэм мерлыко ужрадъёс ортчытъяны.

Фнун Гавасовичлэн ужъёсыз вылӥ кун данъетъёсын дунъямын.

Удмурт Элькунысь йӧскалык политикая министерствоысь но Калыкъёслэн Эшъяськон юртысьтызы ӧнерчиос, мерлыко огазеяськонъёслэн ёзчиоссы мур куректэмзэс верало Мирзаянов Фнун Гавасовичлэн семьяезлы но матысь адямиосызлы.