Та сярысь 6-тӥ южтолэзе  Удмурт федерал исследовательской центрлэн Администрациез  УрО РАН ивортӥз.

Кузьма Иванович Куликов вордӥськиз 8-тӥ шуркынмонэ 1937-тӥ арын Алнаш ёросысь Актэмыр гуртын. Со – Историяя, кылъя но литературая Удмурт институтлэн валтӥсь ужасез, Удмурт Элькунлэн дано адямиез. Кузьма Иванович наукая 300-лэсь ятыр книгаослэн авторзы, история тодосъёсъя доктор, профессор, Россия Федерацилэн наука удысысьтыз сӥё-дано ужась.

1978-2007-тӥ аръёсы тодосчи кивалтӥз Историяя, кылъя но литературая Удмурт институтэн. Та вакытэ институт бадӟым но пайдаё сюресэз ортчиз: финно-угороведение удысын лэсьтэм эскеронъёс понна быдэс Россиын но кунгож сьӧрын тодмо луиз. Кузьма Иванович трос гинэ таланто тодосчиосты будэтӥз, кудъёсыз али но солэсь ужзэ азьланьто. Озьы ик, со данак кужымзэ сётӥз Иднакарез эскеронлы но солы сӥзьыса истори-лулчеберетъя музей-заповедникез усьтонлы.

Удмурт Элькунысь йӧскалык политикая министерствоысь но Калыкъёслэн эшъяськон юртысьтызы ужасьёс, Удмуртиысь йӧскалык-лулчеберетъя мерлык огазеяськонъёсысь кивалтӥсьёс но ёзчиос кайгыремзэс верало Кузьма Иванович Куликовлэн семьяезлы, солэн матысь тодмоосызлы.