22-тӥ куарусёнэ улонысь кошкиз Масгуд Вахитович Гаратуев, «Удмурт Элькунысь бигеръёслэн мерлыко центрзы» мерлыко огазеяськонлэн нырысетӥ кивалтӥсез.

Масгуд Вахитовичлэн уж сюресэз герӟаськемын вал Ижкарысь машина поттон заводэн но Техникая Ижкарысь кун университетэн. Уж удысаз со ассэ возьматӥз усто кивалтӥсен, кудӥз ваньмынызы ӵош тырше адямиослэсь улонзэс ӟечгес карон бордын. 1991-тӥ арын Удмуртиысь бигеръёсты огазеяны быгатӥз но кылдытӥз мерлыко огазеяськон.

Масгуд Вахитовичлэн кичӧлтэменыз бигер калыклэсь шулдыръяськонъёссэ быдэс элькунын пусйыны кутскизы. Соос пӧлын «Сабантуй», «Карга боткасы», «Туган авылым», «Ураза-байрам», «Курбан-байрам». Солэн юрттэмез улсын элькунысьтымы нылпи садъёсын бигер группаос, нош школаосын бигер классъёс ужъёссэс мытӥзы. Кылдытэмын вал «Янарыш» газет, «Хаерле кич» телепрограмма, «Очрашу» радиопередача. 1994-тӥ арын Центрлэн юрттэмез улсын кылдӥз егит бигеръёслэн «ИМАН» огазеяськонзы.

Масгуд Вахитович озьы ик азьветлӥсьёс пӧлын вал, кинъёс Удмурт Элькун Кивалтэт борды йӧскалык ужпумъёсъя комитет кылдытон бордын тыршизы. Бӧрысь комитет Удмурт Элькунысь йӧскалык политикая министерство каремын вал. Масгуд Вахитович ужъёсыз вылӥ кун данъетъёсын дунъямын.

Удмурт Элькунысь йӧскалык политикая министерствоысь но Калыкъёслэн Эшъяськон юртысьтызы ӧнерчиос, мерлыко огазеяськонъёслэн кивалтӥсьёссы но ёзчиоссы Масгуда Вахитович Гаратуевлэн семьяезлы но матысь адямиосызлы мур куректэмзэс верало.