Котырес ӝӧклэн ужаз пыриськизы: Удмурт Элькунысь йӧскалык политикая министрлэн воштӥсез Л.Ю. Соковикова, Калыкъёслэн Эшъяськон юртсылэн кивалтӥсез Т.П.Баталова, Якутск карысь Калыкъёслэн Эшъяськон юртсылэн кивалтӥсезлэн воштӥсез Р. Е.Колосова, Якутск карысь Калыкъёслэн Эшъяськон юртысьтызы Ванёс центрлэн кивалтӥсез Т.В. Парникова.

Семинаре пыриськисьёс ог-огзылы асьслэн ужъёссы сярысь вераллязы. Якутскысь куноослы тунсыко луиз элькунысьтымы Йӧскалык политикая министерстволэн Калыкъёслэсь Эшъяськон юртъёслэсь ёросъёсын но каръёсын ужзэс радъямез. Туннэ нуналэ элькунамы 4 центр ужа ини, нош ар бырытозь эшшо кыкез усьтӥськоз на. Куноослэн малпамзыя, мерлыко огазеяськонъёсын ужан амалъёсты, кудъёссэ кутэ министерство, Саха Республикаын но кутыны луоно.

Кык нунал куспын куноос вуылӥзы Сарапулэ. Татын соос тодматскизы «Электрон – Центра возрождения и развития национальных культур» лулчеберет дворецен. Озьы ик вуылӥзы на «Лудорвай» этнография музее.