Ижкарысь но Удмуртиысь митрополит Викторинлэн благословить каремезъя, Успения Пресвятой Богородицы праздник азьын Успенской киросэн ветлон радъяськоз. Туэ пыдын мыноно луоз Ижкарысен Перевознойысь монастырёзь.

Ужрад кутскоз 26-тӥ гудырикошконэ 9:00 часын Ижкарысь Иверской оброслэн Божъя Матерь черкез дорысен. Паломникъёс обителе вуозы 27-тӥ гудырикошконэ 17:00 часын. Ӵапак со дыре уйбыт кыстӥськись служба кутскоз, кудӥз черклэн престольной праздникеныз герӟаськемын. Выльысь Ижкаре вуон понна нимысьтыз автобусъёс луозы: 27-тӥ гудырикошконэ 19:30 часын но 28-тӥ гудырикошконэ 9:00 но 11:00 часын.

Киросэн ветлонэ пыриськон понна радъясьёслы ивортоно:
– ссылкая анкетаез гожтоно
– яке 8963-548-20-37 телефонъя вӧсьчилы Алексей Артемьевлы жингыртоно

Перевознойын ортчись престольной сӥё-дано ужрадэ пыриськыны мылкыд карисьёс автобусен лыктыны быгатозы. Со кошкоз 28-тӥ гудырикошконэ 6:00 часын ӵукна Ижкарысь Александр Невский нимо черк дорысен.

Киросэн ветлон ужрадлы груз нуллӥсь машина висъяськоз (вань секыт арбериосты отчы кельтыса, ветлонэз капчиен ортчыны луоз). Озьы ик легковой машинаос но луозы. Туж жадем дыръя сюресэз соин азьланьтыны луонлык вань.

Ватсам телефон номер: Евгений Востриков, тел. 8 (919)-900-19-26