13-тӥ южтолэзе Вотка ёросысь Перевозное черкогуртын Вӧй келян элькун шулдыръяськон ортчиз.

Люкськем калыкез ӟечкылаз Удмурт Элькунысь Кивалтэтлэн Тӧроез Виктор Савельев. Валтӥсь сцена вылын куноосты шулдыртӥзы Вотка но мукет ёросъёсысь коллективъёс. Учкисьёслы тужгес но кельшиз ижкарысь «Стезя Прави» истори реконструкция клублэн номерез. Котьку сямен радъямын вал сиён-юонэн но киужъёсын вузкарон, нылпиослы атракционъёс.

Шулдыръяськон улсын Сӧсыръёслэн огазеяськонзы «Блинные рекорды милосердия» акци радъяз. Куноос, соос радын ик Удмурт Элькун Кивалтэтлэн Тӧроез В. Савельев, солэн воштӥсез но ӟуч лулчеберетъя огазеяськонлэн кивалтӥсез СС. Фефилов, Удмурт Элькунысь Кун Кенешлэн Тӧроез В.П. Невоструев табань пыжизы. Кивалтӥсьёслэн пыжем табаньёссы нимысьтыз аукционын вузамын вал. Акциын басьтэм коньдон сӧсыръёслэн огазеяськонзылэн счетаз келямын луоз.

Йылпумъяськиз шулдыръяськон куро мунёез ӝуатонэн.