22-тӥ тулыспалэ Пичи Пурга черкогуртын Вӧйдыр шулдыръяськон (0+) ортчоз.

Таяз аре ужрадлэн валтӥсь темаез – Паськыт покчиарня. Вӧйдыр – одӥгез пӧлысь яратоно но яркыт йӧскалык шулдыръяськон луоз 2026-тӥ ар понна, кудзэ Владимир Путин Россиысь калыкъёслэн огъя луэмзылэн ареныз юнматӥз.

Шулдыръяськонэ муниципал кылдытэтъёсысь адямиос ӧтисько. Куноосты луонлык вань пӧртэм радъям вожвылъяськонъёсы пыриськыны.

Куноослы шулдыр программа дасямын луоз: «Частушечной разгуляй» такмакъёсын вожвылъяськон но сульдэръёсты адӟытон, «Богатырской разгуляй» вожвылъяськонын ас кужымъёсты мерттан, «Снежной разгуляй»-ын гурезь эксэйез пусъён, «Ремесленной разгуляй»-ын мунёосты лэсьтон. Озьы ик пӧртэм шудонъёс, ӵужонбол пичи пургаослэн шудонзы, дӧдьыен ворттылонъёс дасямын луозы.

Ужрадэз радъяло УЭ-ысь Йӧскалык политикая министерство, элькунысьтымы Ӟуч лулчеберетъя огазеяськон, Калыкъёслэн Эшъяськон юртсы но Пичи Пурга ёрослэн Администрациез.