Ньыль нунал куспын пӧртэм улосвылъёсысь кылъя азьветлӥсьёс удмурт калыклэн лулчеберетэныз но сям-йылолъёсыныз тодматскизы.

Элькунысь тужгес но тунсыко интыосы вуылэмзы бере, ваньмыз сямен пыриськисьёс шумпотэмын но паймемын вал.

«Удмурт калык куноосты туж мыло-кыдо пумита, кытчы гинэ эн вуы – котькытын милемлы шупмото но тунсыкозэ вераны, возьматыны тыршо». (Урсул Аныев)

«Мон понна Удмурт шаер Брангурт песянайёсын гинэ герӟаське вал. Номыр мукетсэ мон уг тодӥськы вал. Нош зэмзэ но, та калык ас историеныз узыр но тунсыко вылэм. Шумпотымон тодматскыны таӵе ӟеч адямиосын». (Екатерина Дыгало)

«Мон понна Удмурт Элькун – трос выльзэ усьтон. Паймымон трос ӵектосъёс, кудъёсыз анай кылэз азинтонлы ӧръямын! Удмурт калык гажа аслэсьтыз сям-йылолъёссэ, со зэмзэ но шӧдӥське». (Субудай Сундуй)

Оскиськом, Удмурт Элькунын быдэстэм ужрадъёс мукет улосвылъёсысь эшъёсмылы ас интыосазы кыллы дышетонэз умоятыны юрттозы шуыса.

Тодэ вайытӥськом, 25–28-тӥ коньывуонэ Воронеж, Алтай, Оренбург, Хакасия, Тыва но Татарстан улосвылъёсысь кылъя азьветлӥсьёс Удмурт шаерын ужазы. «В гостях у носителей языка» ӵектос радъяське Йӧскалык кусыпъёся Ресурсной центрлэн юрттэмезъя.