Анай кыл – йӧскалык лулчеберетлэн лулыз. Кылэз утьыса, асьмеос озьы ик калыкмылэсь сям-йылолъёссэ но аспӧртэмлыксэ утиськом. Анай кыл – лулчеберетлэн «усьтонэз», озьы со аслэсьтыд кылдэмдэ тодыны, пӧртэм удысъёсысь тодон-валанэз будӥсь пиналъёслы сётыны юрттэ.

Анай кылыныды тӥ блог нуиськоды ке, кылэз утён понна сюлмаськиськоды ке – «В гостях у носителей языка» медиадышетскон блог-тур ӵектосэ пыриськелэ.

Тӥляд луоз луонлыкты кылъя азьветлӥсьёслэн туркымазы пырыны. Та команда Коми Элькунэ блог-туре кыл лулчеберетэн тодматскыны ветлоз, отын дышетозы, кызьы кылэз утьыны кулэ, сое тодыны, азинтыны но вӧлмытыны.

Пыриськыны быгато Россия Федерациысь 18–35 аресъем егитъёс, кудъёсыз блогзэс но вотэбамъёссэс нуо анай кылынызы – трос йӧскалыкъем Россиысь одӥгеныз кылын.

Медиадышетскон ӵектос 2021-тӥ арысен ужаны кутскемын. Сое йылпумъям муртъёс выль медиаосъя азьветлӥсьёслэн Огазеяськоназы валчеяськизы, соос, ас регионазы ӵош кариськыса, кылъя проектъёсты радъяло но улонэ пыӵато. Егит этноблогеръёс Мордовие но Удмуртие вуылӥзы ини.

Блог-тур ортчытыны малпамын коньывуонэ 2023-тӥ аре.

Заявкадэс 30-тӥ куарусёнозь кельтыны луэ та ссылкая: https://clck.ru/35m8Qg.

Ӵектос Йӧскалык кусыпъёсты возён ресурсный центрен быдэстӥське Йӧскалык ужпумъёсъя федерал агентство юрттэмен.