Кылем шутэтскон нуналэ Драгунов оружейник нимо скверын V Конфессиос куспын спартакиада ортчиз. Северной амалэн ветлонъя ӵошатсконъёсы пыриськизы православнойёс, мусульманъёс, иудейёс но старообрядецъёс.

Старт азьын пыриськисьёсты ӟечкылазы Ижкарысь но Удмуртиысь митрополит Викторин, Удмуртиысь мусульманъёслэн улосвыл духовной кивалтоннизылэн валтӥсь кылкутӥсез Фанзиль хазрат Гарипов, «Звезда Давида» еврей огазеяськолэн кивалтӥсез Михаил Голуб, йӧскалык политикая министр Эдуард Петров но мугор лулчеберетъя но спортъя министр Денис Парахин.

Ӵошатсконъёсын вормисьёсты ӧз пусъелэ. Котькудӥз пыриськисьлы памятной медаль кузьмазы. Бызьылонъёс бере ваньзэсты чаен но ческытэн куноязы.

Тодэ вайытом, 2025-тӥ аре V Конфессиос куспын куасэн бызьылонъёсъя но капчиатлет кроссъя ӵошатсконъёс ортчизы. Нырысетӥосыз Г.А. Кулакова нимо спорт комплексын радъямын вал, 3 но 5 иськем дистанцие пыриськиз 525 адями, отчы пыриськизы быдэс Удмуртиысь но Перм улосвылысь куасэн бызьылыны яратӥсьёс. «Купол» стадионын С.М. Киров нимо паркын  капчиатлет кроссъя ӵошатсконъёс радъяськизы. Пыриськиз 300-лэсь трос адями.

Ӵошатсконъёсты радъязы Ижкарысь епархия, УЭ-ысь Мугор лулчеберетъя но спортъя министерство но УЭ-ысь Йӧскалык политикая министерство.