19-тӥ толшоре Калыкъёслэн Эшъяськон юртазы Вань удмуртъёслэн «Удмурт кенеш» ассоциацизылэн исполкомез люкаськиз. Вераськон мынӥз Вань удмуртъёслэн XIII ӧтчамазы дасяськон сярысь.

Ассоциацилэн кивалтӥсез Игорь Николаевич Семёнов ивортӥз ужрадэ 41 делегаци (Татарстан, Башкортостан, Марий Эл элькунъёсысь, Пермь, Свердловск, Киров улосъёсысь, Мускоысь, Санкт-Петербургысь но Нижневартовскысь) вуоз шуыса, озьы ик ӧтемын Удмурт Элькунлэн Тӧроез А.В Соловьёв, Удмурт Элькунысь Кун Кенешлэн Тӧроез – В.П. Невоструев, Финн-угор калыкъёслэн калыккуспо комитетсылэн кивалтӥсез В. Марков,ёросъёслэн но каръёслэн тӧрооссы.

Öтчамлэн программаез дась. 10-тӥ тулыспалэ улосъёсысь делегациос вуозы. 11-тӥ тулыспалэ 10.00 часэ Удмурт йӧскалык театрын Вань удмуртъёслэн XIII ӧтчамазылэн сӥё-дано усьтонэз луоз. Пленарной заседаниын 3 ар куспын лэсьтэм ужъёс сярысь вералозы «Удмурт кенеш» огазеяськонлэн кивалтӥсез И.Н. Семенов но ёросъёсысь ёзэтъёслэн кивалтӥсьёссы. Бӧрысь ужез азинтозы секциослэн ужзы.

12-тӥ тулыспалэ ужрад отрчоз Удмурт Элькунысь П.И. Чайковский нимо операя но балетъя театрын. Пленарной заседаниын йылпумъянъёс лэсьтозы секциослэн ужъёссылы. «Удмурт Кенеш» мерлыко огазеяськонлы кивалтӥсь быръён ортчоз.

Озьы ки исполкомын кутэмын вал Вань удмуртъёслэн XIII ӧтчамазы К. Герд нимо йӧскалык премилэсь лауреатъёссэ пусйыны. Туэ сӥё-дано премиез басьтозы протодьякон, кылосбур тодосъя доктор, профессор Михаил Атаманов, огазеяськонлэн Ижкарысь Первомай ёросысь ёзэтэныз кивалтӥсез Ольга Шилова но «Айкай» театрлэн артистэз Геннадий Кузнецов.

Öтчам йылпумъяськоз Удмурт Элькун Тӧроен пумиськонэн.