3-тӥ пӧсьтолэзе Армян аспостольской черкын Удмурт Элькунысь армянъёслэн «Урарту» мерлыко огазеяськонзы “Вардавар” шулдыръяськон ортчытоз.

Вардавар – армян калыклэн тужгес но яратоно праздникез. Армян черклэн со валтӥсь праздникез луэ. Туэ Ижкаре Удмуртилэн 15 ёросъёсысьтыз но 3 каръёсысьтыз делегациос вуозы. Ужрадъясьёс озьы ик Пермысь, Казаньысь но Кировысь куноосты возьмало.

Ужрад кутскоз 12.00 часэ. «Урарту» огазеяськонлэн кивалтӥсезлэн М. М. Аракелянлэн верамезъя, теннисъя, армлестлингъя, гир ӝутканъя ӵошатсконъёс ортчытэмын луозы.