Вожвылъяськонэ заявкаоты кутон чӧлскет пыр ортче.

Ужрадэз радъясьёс – Россия Федерациысь Йӧскалык, вӧсьбур кусыпъёсъя но миграцияя Мерлык палаталэн Комиссиез но АНО «Агентство поддержки государственных инициатив».

Вожвылъяськон улонэ вӧлме «Вдохновение от наставников» программа улсын, кудӥз Россиысь дышетонъя но тодосъя министерстволэн федерал инноваци площадкаезлэн ужамез улсын азьланьтӥське. Вожвылъяськон пыртэмын Россиысь Калыкез дышетонъя министерстволэн Огъя дырпусаз. Юрттӥсьёсыз луо Россия Федерациысь Федерал Собранилэн Кун Думаез, Спортъя министерство, Россиысь МЧС, Россия Федерациысь адямилэн эрикрадъёсызъя Уполномоченной но Россия Федерациысь Президент бордын нылпилэн эрикрадъёсызъя Уполномоченной.

Вожвылъяськонлэн азьмугез – кун йӧскалык политикая тужгес но усто ужъёсты нылпи но дышетон удысъёсын шараян. Со практикаос герӟаськыны кулэ граждан мылкыдэз, патриотизмез, Россилэн историеныз данъяськон мылкыдэз пыӵатонэн. Котькуд калыклэсь кунмуртъёссэ валаны но гажаны дышетсконо, со дыре ик Россиын кылдэм дунъетъёсты но утёно. Ваньмыз та пыре Россия Федерацилэн Президентэзлэн 19-тӥ толсуре 2012-тӥ аре 1666 номеро поттэм указэзъя Россия Федерацилэн йӧскалык политикалэн стратегиезлэн 21.1 пунктысьтыз «а» подпунктаз, со стратегия 2025-тӥ арозь юнматэмын.

Та ужрадлэн йылпумъянэз – тужгес но усто практикаосты вӧлмытон (тиражировать карон), Положенилэн 9-тӥ пунктэз вылэ пыкъяськыса; отчы пыро югдытонъя но дышетонъя программаос, амалтодосъёс, пӧртэм ужрадъёс, эсэплыко-эрикрадъем актъёс но ивортодэтъя лэсьтосъёс.

Та вожвылъяськон федерал, улосвыл тӧрлыклэн ёзэтъёсызлэсь, интыысь аскивалтэт ёзэтъёслэсь, дышетон огазеяськонъёслэсь но граждан обществоослэсь кусыпъёссэс азинтонын Россия Федерациысь кун йӧскалык политикая ужпумъёсты сэрттон-пертчон понна одӥгез валтӥсез механизм луэ.

Вожвылъяськонлэн ужпумъёсыз:

• тужгес но усто ужъёсты шараян;
• быръем ужъёсты вотэсбамъёсы пуктылон;
• опытэн вошъяськон но егитъёсты уже интыянъя практикаосты вӧлмытон (тиражировать карон), муниципал, улосвыл но федерал уровеньёсты лыдэ басьтыса.

Кин быгатэ Вожвылъяськонэ пыриськыны:

• кун тӧрлыклэн федерал ёзэтъёсыз;
• Россия Федерация улосвылъёсысь кун тӧрлыклэн ёзэтъёсыз;
• интыысь аскивалтэт ёзэтъёс;
• кун но муниципал ужъюртъёс.