21-тӥ тулыспалэ быдэс дунне пусъe Анай кыллэсь калыккуспо нуналзэ.Та нуналлы сӥзьыса, Удмурт Элькунысь йӧскалык политикая но Дышетонъя но наукая министерствоос «Мон вераськисько анай кылын» нимо вожвылъяськон ортчыто.

Ӵошатсконэ пыриськыны быгато арлыдзыя шор но бадӟым класъёсын дышетскись пиналъёс. Со понна ыстыны кулэ « эссе» но «видеоэссе» амалэн анай кылын гожтэм ужъёсты. Вӧзаз -ӟуч кылын вакчияк пуштросэз.

Ужъёсты эскероз нимысьтыз кылдытэм жюри, кытчы пырозы Удмурт Элькунысь йӧскалык политикая, Дышетонъя но наукая министерствоосысь, Калыкъёслэн Эшъяськон юртысьтызы ӧнерчиос, мерлыко огазеяськонъёслэн азьветлӥсьёссы. Дунъялозы пиналлэсь малпаськон радзэ, визьмо, чебер кылын гожъяськыны быгатэмзэ.

Ужъёты ыстыны луоз печатласа, киын гожтыса яке электрон амалэн 20-тӥ тулыспалозь таӵе адресъя:. 426063, Ижкар к., Орджоникидзе ур., 33а, 211-тӥ кабинет, яке электрон почтая: ddnodm@mail.ru “Эссе” пусйемен.

Вожвылъяськонэ пыриськемъёс сертификатэн пусйемын луозы.

Ватсаса ивортодэт басьтыны луэ таӵе телефонъёсъя:

8 (3412) 63-10-41 – Калыкъёслэн Эшъяськон юртысьтызы йӧскалык кусыпъёсъя ёзэтлэн кивалтӥсез Митриченко Артем Юрьевич;

8 (3412) 63-10-06 – Калыкъёслэн Эшъяськон юртысьтызы йӧскалык кусыпъёсъя ёзэтысь валтӥсь методист Широкова Светлана Евгеньевна.