Йӧскалык ужъёсъя федерал кун агенство туспуктэмъёсъя VI-тӥ
Калыккуспо «Русская цивилизация» вожвылъяськон ялэ. Россиысь но быдэс
дуннеысь туспуктӥсьёс пӧлын ужрадлэн кулэлыкез будэ. Нырысьсэ ужрад
ортчиз 2017-тӥ арын, кудӥз котыраз 28 шаеръёсысь 1,8 сюрс адямиослэсь 10
сюрс туспуктэм бичаз. Нош 2021-тӥ арын вожвылъяськонэ 77 пӧртэм
шаеръёсысь 5 сюрслэсь тросгес адями пыриськиз. Соос 22,5 сюрс
туспуктэмъёс келязы.

5-тӥ куарусёнысен туспуктӥсьёс ужъёссэс вожвылъяськонлэн
нимысьтыз вотэсбамаз таӵе адресъя келяны быгато www.rucivilization.ru.
Ужрадэ 18 но солэсь тросгес аресъем адямиос пырӥськыны но 5 ар
куспын лэсьтэм 5 яке ӧжытгес туспуктэм келяны быгато пӧртэм
номинациосъя: «Уникальная природа», «Лица и поколения», «Традиции
большой страны», «Архитектура и скульптура», «Многонациональная
Москва», «Детский взгляд». Нырысьсэ 2022-тӥ арын «Детский взгляд»
номинацие 7 аресысен 17 аресозь дышетскисьёс пыриськыны быгато.

Ужъёсты 5-тӥ коньывуонозь келяно. Туспуктэмъёсты жюри дунъялоз.
Вормисьёсты Мускоын кузьымъёсын пусъёзы. Азьло сямен ик, тужгес но
умой ужъёсты шоркарлэн ульчаосысьтыз адӟыны луоз.