Вожвылъяськонын эскерозы сыӵе кичӧлтонъёсты, кудъёсыз сӥземын луозы йӧскалык кусыпъёсты умоятонлы, Россиысь калыкъёслэсь этнокультурая аспӧртэмлыксэс утёнлы но азинтонлы. Пыриськыны быгато Россия Федерациысь кунмуртъёс, кун тӧрлык ёзэсъёс, коньдэтэн возиськись ужъюртъёс, коммерческой но коммерциен герӟаськымтэ огазеяськонъёс.
Вожвылъяськон 5 номинациосъя ортче:

1. Коммерциен герӟаськымтэ огазеяськонъёслэн но кичӧлтӥсь огинъёслэн тужгес но устоосыз ӵектосъёссы йӧскалык кусыпъёсты умоятон удысын
2. Коммерциен герӟаськымтэ огазеяськонъёслэн но кичӧлтӥсь огинъёслэн тужгес но устоосыз ӵектосъёссы, кудъёсыз Россиысь калыкъёслэсь кылъёссэс, лулчеберетъёссэс, сям-йылолъёссэс утёнлы сӥземын
3. Кун тӧрлык ёзэсъёслэн тужгес но устоосыз ӵектосъёссы йӧскалык кусыпъёс удысын
4. Муниципал, улосвыл но россиякуспо коньдэтэн возиськись ужъюртъёслэн, Калыкъёслэн эшъяськон юртъёссылэн но Йӧскалык юртъёслэн тужгес но усто ӵектосъёссы
5. Коммерческой огазеяськонъёслэн тужгес но усто ӵектосъёссы йӧскалык кусыпъёс удысын.

Заявкаосты кутон: 10-тӥ пӧсьтолэзьысен 20-тӥ коньывуонозь 2024-тӥ аре.

Йылпумъянъёсты лэсьтон: 2024-тӥ аре 24-тӥ толсурозь.

Вожвылъяськон Йӧскалык ужъёсъя федерал агентстволэн юрттэменыз ортчытӥське.