Лали Абазашвили

— Владимир Николаевич ку но кы?е семьяын т? ворд?ськиды?

— Ворд?ськи мон 1957-т? арын Яр ёросысь Лэзя гуртын. Огшоры ужасьёслэн семьяязы: анае быдэс улонзэ фермаын тыршиз, нош атае тракторист вал. Вить нылпиосты соос будэт?зы, мон бад?ымез луисько. Атае улонысь вазь кошкиз, соин ик вынъёсме но сузэръёсме пыдйылтыны анаелы мон юртт? ини. 8 классозь Байдалиноын дышетски, 10 классэз йылпумъяй ини Ярын. Аттестатам немец кылын гинэ «куинь» пот?з: малы ке но со вакытэ та предметэз туж ик кулэ ?й карылы, али валасько ини, умойгес дышетсконо вылэм шуыса — котьмае ас дыраз быдэстоно. Школа бере Ижысь сельхозинститутлэн «агрономияя» факультетаз пыри. Огдыре дышетски но, ужай но.

— Ку усьт?ськиз политикае сюресты?

— Арми бере Ярысь комсомоллэн райкомаз нырысет? секретаре басьт?зы. Отын вить ар тырши. Собере кык ар Свердловскысь партийной школаын дышетски. «Новая жизнь» колхозлэн парткомаз секретарь луыса кема ужаса ?й вутты, та эштосын ик председательлэсь ужзэ дас ар ?оже быдэсъяй. Куинь ар Яр ёрос администрациен кивалт?. 2001-т? арысен нациосын ужан политикая министр луисько.

— Й?скалык политикая министрлы адямиез валаны, ш?дыны кулэ. Мар верасалды удысты сярысь, кы?е кулэлыкез асьме улонын?

— Котькуд нунал мар ке но выльзэ вае, сое валаса но малпаса быдэстоно. Мон ужме лякытэн уг лыдъяськы, адямиен ужан — со туж секыт маке. П?ртэм наци калыкен эшшо но секытгес. Коллективмы туж бад?ым ?в?л, шонергес вераса, министерствоос п?лысь тужгес ик пичиез луэ. Озьы ке но ас ужмес умой быдэст?ськом кадь.

Вань калык п?лын керетонъёс, бад?ым политикъёс бордысь потэ. Малы ке шуоно огшоры адямиослы котькин лу, тупаса улон гинэ мед луоз. Ваньмы адямиос ук. Керетон ?уто коньдонэн кивалтыны ярат?сь адямиос. Мон уг быгат?ськы валаны, марлы керетон ?утод, куке азьланяз тупаса улон борды ик вуиськом ке. Соин ик, мон малпамъя, кулэлыкез туж бад?ым. Малы ке шуоно калыкъёс п?лын котьку керетонъёс луыл?зы, соослэсь утиськыны, соосты кысыны ик ми юрттыны кулэ.

— Кы?е кусыпъёсты музон республикаосын?

— Мари-Элэн, Мордовиен, Комиосын, Карелиен… Ма, ваньмыныз тупаса ул?ськом. Ог-огмы доры но ?ем вуыл?ськом. Д?нямы лыкто кызьы кивалт?съёс, озьы ик огшоры куноос. Котькинлы яра культурамы, йылолъёсмы, сямъёсмы. Асьмелы вань, маин данъяськыны но мае возьматыны.

— Удмурт шаермы мукет регионъёслэсь од?гез чалмытэз, куашет?сьтэмез лыдъяське. Т? малпамъя, кинлы, малы тау кароно? Азьланяз тазьы возиськыны быгатоз-а?

— Калык куспын тупаса, каньыл улон, асьме элькунамы кадь, нокытын но ?в?л, дыр. Со ваньмыз потэ асьме лачмыт сяммы бордысь, котькинэ жаляськом.

Мед возиськысал вылэм, но со понна удмуртъёс асьсэды, кылзэс зэмос гажаны кулэ. Азьланяз нош республика ик мед кылём. Тае тросэз валало, соин ик Правительство но, бизнесменъёс но юрттыны тыршо. Удмуртиын 31 пала калык огазеяськонъёс кылдытэмын ни. Арысь аре соос тросгес но тросгес луо. Кылсярысь, таяз аре мылкыд каризы огазеяськыны ингушъёс, грузинъёс, мордваос. Соос котьку ог-огзэс асьсэ шулдыръяськонъёсазы ?тчало но юн кусыпъёс возё.

— Владимир Николаевич, удмурт калыклэн ужпумъёсыныз гинэ уд выриське, т? мукет калыкъёслэсь но сюлэмшугъяськыт?сь юанъёссэс быдэсъяськоды. Кы?е ужъёс вылысь сое ад?ыны-валаны луэ?

— Ми котькуд бад?ым мероприятиосы пыриськыны тыршиськом. Кылсярысь, таяз толэзе бад?ым уж ортчыт?м Ижкарлы 250 ар тырмемен валче. Министерствомы трос мероприятие понна кыл кут?з: котькудзэ малпано, дасяно, эскероно вал. Отчы люкаськыл?зы вань калык огазеяськонъёс, кудъёсыныз ужамы, кенешимы, ужзэс радъямы. Соин ик юанъёсъя радъян ужъёс мынам улонам трос кужымме но дырме быдто.

Озьы ик чакламын ёросъёсы потаны, учкыны, эскерыны, кызьы калык улэ. Быгатэммыя — юрттыны. Угось ?ем дыръя гурт калык сярысь вунэт?ськом, тросгес кужыммес, коньдонмес каръёслыгес висъяськом. Шонер ?в?л со. Т?ни озьы, нуналысь нуналэ кы?е ке но выль ужпум борды кутскисько.

— Городэ выжыны капчи ?й вал, дыр?

— Гурт адями городэ егит дыръягес потыны кулэ, нош мон быдэ вуэм воргорон вал ини. Котькуд вамышме чакласа-мертаса лэсьт?сько бере, министерствое кутыкузы, укыр кема малпаськи, озьы ке но соглаш луи. Нырысет? аръёсы Ижын секыт вал: семьяе но, эшъёсы но — Ярын. Али семьяе но в?зам ини, но монэ весь вордскем палъёсы кыско.

— Шутэтскон но ваньмон дырдэс кызьы кытын ортчыт?ськоды?

— Мон лымшор пала, зарезь дуре яке кунгож сь?ры ветлыны уг ярат?ськы. Ваньмон дыръям Уканам лобаса ик шонт?сько. Отын в?л-в?л, омыр но шоканы капчигес, чылкытгес. Гуртын кадь мыным нокытын но умой ?в?л: чорыгасько, п?йшурасько, губиясько…

Арняяз кык пол ке но дырме спортлы висъясько — мон элькун кивалтэтлэн волейбол командаезлэн капитанэз луисько.