«Вместе» ассоциацилэн быръёнъя но йылпумъян лэсьтонъя конференциез ортчоз

29-тӥ пӧсьтолэзе Калыкъёслэн эшъяськон юртазы 11.00 часын радъяськоз «Вместе» ассоциацилэн йылпумъян лэсьтонъя но быръёнъя конференциез.

Али огазеяськонэн кивалтэ Марина Валерьевна Романова.

Конференциын эскериськозы таӵе юанъёс:

1. 2013-2014-тӥ арын ужамлы йылпумъян;

2. Ревизионной комиссилэн 2013-2014-тӥ аръёсы ужезлы йылпумъян;

3. Ассоциацилэсь 2014-2016-тӥ аръёслы Кенешсэ но Кивалтэтсэ юнматон

4. 2014-2016-тӥ аръёслы кивалтӥсь быръён

«Вместе» ассоциаци ужа 2000-тӥ арысен, огазея егитъёслэсь 9 мерлыко огазеяськонъёссэс. Валтӥсь ужпумез – егитъёсты огазеян, калыкъёслы ог-огдэ валан но гажан мылкыд пыӵатон

Ассоциаци пӧртэм мерлыко ужрадъёс ортчытэ. Кылсярысь, «Межнациональный контакт», «Шагаем Вместе» егитъёслы лагерьёс, «Искусство радуги» вожвылъяськон, «Триколор Единства» акции, «Сделаем вместе» калыккуспо форум.

Ватсаса ивортодэт басьтыны луэ таӵе телефонъя: 8-952-403-8548 – Романова Марина Валерьевна