11-14-тӥ куартолэзе элькунамы Егитъёслэн йӧскалыккуспо «Вместе» дышетон центрзылэн кыкетӥ дышетон сессиез радъяськоз.
Татчы асьме элькунысь сяна Мускоысь, Татарстан, Башкортостан, Марий Эл, Коми элькунъёсысь, Пермь, Пенза, Свердловск, Новосибирск улосъёсысь, Ямало-Ненецкой автономной округысь егитъёслэн мерлыко огазеяськонъёссылэн азьветлӥсьёссы, Калыкъёслэн эшъяськон юртъёсысьтызы, йӧскалык лулчеберетъя центръёсысь ӧнерчиос пыриськозы. Огъя сессие ог 80 адями вуыны кулэ. Сесси улсын радъямын луозы лекциос, мастер-классъёс, пумиськонъёс, кенешонъёс. Ньыль нунал куспын егитъёс пумиськозы но кенешозы тодмо политикъёсын, дышетскозы ӵектосъёс бордын ужаны, пӧртэм выжыысь калыкъёсын тодматскозы. Радъясьёслэн малпамзыя, та ужрад пӧртэм улосъёсысь егитъёслы йӧскалык кусыпъёсты юнматонлы сӥзем ӵектосъёс бордын ӵошен ужаны юрттоз, егитъёсты калыкен герӟаськем юанъёсты мургес валаны дышетоз.
Сиссиез сиё-дано усьтон ужрад ортчоз Калыкъёслэн Эшъяськон юртазы 11-тӥ куартолэзе. Кутсконэз 13.30 часэ.