Ужрадлэн валтӥсь мугез – улосчиосты министерстволэн уженыз, Кун йӧскалык политикалэн Стратегиезлэн ужпумъёсыныз тодматон, коммерциен герӟаськымтэ огазеяськонъёслы проектной заявкаосты дасянъя юрттэт сётон.

УЭ-ысь йӧскалык политикая министр Эдуард Петров вуылӥз Воткакаре, доклад лыдӟиз, кудаз саклык висъяз карлэн бадӟым ӵектосъёсызлы:

«Воткакарын бадӟым ӵектосъёс улонэ вӧлмо. Соос пӧлын – Ӟеч иворлы сӟзем соборлэн лэсьтон-тупатъянъя уж. Огазеяськыса, ми асьме историмылэн, лулчеберетмылэн но дунлыкъёслэн утён удысаз пыриськимы. Та соборын сӥё-дано крезьгурчиез П.И. Чайковскиез вӧсязы, 2025-тӥ аре солэсь 185 тырмонзэ пусъёсы».

Огдышем сямен, кенешонын дышетӥсьёслы, визьнодасьёслы, анай-атайёслы терроризмен но экстремизмен нюръяськонъя ивортодэтэн вераськонъёс дасямын вал.

Коммерциен герӟаськымтэ Воткакарлэн огазеяськонъёсысь огмуртъёслы проектной заявкаосты эскеронъя семинар ортчытэмын вал. Секциез нуиз Калыкъёслэн эшъяськон юртысьтызы ӧнерлыко ужась но тренер Лариса Князева.

Удмурт Элькунъя коммерциен герӟаськымтэ огазеськонъёслэн Минюстысьтыз кивалтэтлэн тӧроез Анна Сунцова дышетон ортчытӥз но коммерциен герӟаськымтэ огазеськонъёслэн эрикрадъя ужамзы сярысь юанъёсты сэрттӥз-пертчиз.

Ужрад «По родному краю» йӧскалыккуспо концертэн  но экскурсиен Воткакарын П.И. Чайковскийлэн музей-усадьбаяз йылпумъяськиз, 2025-тӥ арын быдӟым крезьгурчилэсь 185 ар тырмонзэ пусъёзы.