22-тӥ оштолэзе Воткакарысь Благовещенской черкез тупатон сярысь кенешлэн заседаниез радъяськиз. Ужрадэ Тӧролэн но Кивалтэтлэн Администрациезлэн воштӥсез Андрей Журавлев, Удмуртиысь йӧскалык политикая министр Эдуард Петров, Воткакарлэн Тӧроез Алексей Заметаев, Вотка заводлэн директорез Игорь Чурбанов, Ижкар епархиысь административной секретариатлэн кивалтӥсез протоирей Роман Воскресенских, Ижкар епархиысь древлехранитель но архитектор Дмитрий Шабалин, озьы ик кенешлэн мукет ёзчиосыз пыриськизы.

Черкез выльдытонъя-тупатонъя юанъёсты эскерем бере, пыриськисьёс понна священномучениклы Николай Чернышевскийлы но Варвара мученицалы сӥзем фильм возьматӥзы. Фильмлэсь авторзэ Елена Курзановаез нимысьтыз грамотаен пусйизы.

Благовещенской черк – элькунысь лулчеберетъя объект луэ. Со, Удмурт Элькунлэн сяна, быдэс дуннелэн историез, малы ке шуоно татын вӧсямын вал тодмо крезьгурчи Пётр Ильич Чайковский.

Черкез выльдон ужлы кичӧлтон сётӥз истори но лулчебертъя синпелетъёсты тупатонъя «Преображение» Фонд, кудӥныз Виктор Геннадьевич Хорошавцев кивалтэ.

Благовещенской черкез выльдон-тупатон уж 2006-тӥ аре кутскиз. 2021-тӥ аре оштолэзе эскерон кенеш кылдытэмын вал. Кенешлэн ужаз Воткакарысь но Ижкарысь ужбергатӥсьёс, гуртысь но карысь огшоры улосчиос мылысь-кыдысь пыриськизы. Та дыре кутскем ужез йылпумъяны кулэ.

Тодаты вайытом, XX даурлэн кутсконаз черк гырлыос жалятэк таркамын вал, обросъёсты лушказы. 1930-тӥ аръёсы, кар клуб кылдэм бере, сое вӧсяськонъёслэсь пытсало но юртъерзэ выльдыса вошто. 2001-тӥ арын гинэ черкез Ӟуч Православной Черклы берыкто.

Юрттыны мылкыд карисьёс коньдонзэс нимысьтыз счётэ ыстыны быгато.