«Калыкъёс трос – шаермы одӥг! Этно чеберма!» Мерлыко рекламая улосвылкуспо вожвылъяськон йылпумъянъёс лэсьтэмын. Тодады вайытом, ужрад ортчиз «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез быдэстон улсын. Вожвылъяськонэз радъязы Удмурт Элькунысь йӧскалык политикая министерство но «Еврей лулчеберетъя Удмурт Элькунысь мерлыко центр» мерлыко огазеяськон, юрттӥзы – Калыкъёслэн Эшъяськон юртсы, «Россиысь калыкъёслэн ассамблеязы» мерлыко огазеяськон, «Удмуртиысь калыкъёслэн ассамблеязы» улосысь мерлыко огазеяськон. Ужрадлэн валтӥсь меретъёсыз: калыкъёслэсь ог огенызы эшъяськыса но тупаса улонзэс егитъёс пӧлы вӧлмытон, йӧскалык кусыпъёсты юнматон.

Ӵектосъёс таӵе оръёсъя люкемын вал: «Мерлыко реклама: видеоролик» но «Мерлыко реклама: суред (плакат)».

Ужрадэ пыриськиз 100-лэсь уно адями. Ужъёс Приволжской федерал округлэн пӧртэм сэрегъёсысьтыз вуизы: Оренбург, Саратов, Ульяновск, Пермь улосъёсысь, Татарстан, Чувашия, Марий Эл элькунъёсысь. Ужъёс золэсь ке но вал, жюри нырысетӥ инты нокинлы оз сёты, но кельшымонъёссэ коьдонэн пусйиз.

«Мерлыко реклама: видеоролик» ор:

Прокошева Яна (Удмурт Элькун) – «Нас много»;

Фатхуллин Роман (Удмурт Элькун) – «Актуальное этно»;

Куприянов Егор (Удмурт Элькун) – «Один в поле воин» ;

Антонова Марианна (Удмурт Элькун) – «Единство народов – залог счастья детей»;

Симанова Марина, Япаров Денис (Удмурт Элькун) – «Этно украшает»;

Валеева Фаузия (Оренбург улос) – «Красота в различии»;

Чуракова Екатерина (Саратовская область), название работы «Нас много! Страна одна»

«Мерлыко реклама: суред (плакат)» номинаци:

Палария Ганна (Удмурт Элькун) – «Этно угощает»;

Новокрещенова Светлана (Удмурт Элькун) «Пазл Россия»;

Юлия Васильева (Удмурт Элькун) калыклы сизем суредъёс;

Ситникова Елена (Саратов улос) – «Девушка, несущая мир»;

Ксения Докучаева (Удмурт Элькун) – «Удмуртия: леса, поля и реки, пельмени, перепечи, человеки!».

Вормисьёсты данъян «Освещение межэтнических отношений в средствах массовой информации» семинар улсын 21-тӥ толсуре 10.00 часэ Калыкъёслэн Эшъяськон юртазы ортчоз.