10-12-тӥ толсуре 10-11-тӥ классъёсын дышетскисьёслы, студентъёслы, «Шунды» мерлыко огазеяськонлэн азьветлӥсьёсызлы улосвылкуспо «Вуюись» нимо дышетон семинар радъяськиз.

Радъяз сое удмурт егитъёслэн «Шунды» мерлыко огазеяськонзы Калыкъёслэн Эшъяськон юртсылэн но Удмурт Элькунысь йӧскалык политикая министерстволэн юрттэмез улсын.

Семинарлэн таӵе емышъёс ваиз: удмурт предприятилэн азинлыко бизнес-планэз, «Шунды» огазеяськонлэсь ӵектосъёссэ азинтыны но вӧлмытыны, брендъёс кылдытыны план, выль азьветлӥсьёс.

Куинь нунал ӵоже егитъёс тодон-валанзэс но быгатонлыкъёссэс 4 ӧръёсъя будэтӥзы: «Ужбергатон», «PR технологиос», «Брендинг», «Мерлыко уж». Котькуд секциен кивалтӥз вылӥ быгатонлыкъёсын но тодонъёсын ӧнерчи: Татьяна Калашникова, «Ужбергатонэз азинтонъя центр» (Центра развития предпринимательства) офислэн кивалтӥсез, ужез радъян, йӧскалык темаен коньдон поттыны луонлыкъёс сярысь вераз; Анастасия Бекмачева, «Егитъёслэсь но нылпиослэсь ӧръёссэс азинтонъя элькун центр» («Республиканский центр развития молодёжного и детского движения») ужъюртысь егитъёсын ужанъя ӧнерчи, PR-менеджмент но реклама сярысь валэктӥз; Ольга Бускина – «Егитъёслэсь но нылпиослэсь ӧръёссэс азинтонъя элькун центр» («Республиканский центр развития молодёжного и детского движения») ужъюртлэн кивалтӥсез, азьветлӥсьёслы куронъёс сярысь мадиз; Анна Габдуллина, “Штабе городских проектов «ЛИФТ»”огазеяськонлэн чектосъёсъя кивалтӥсез, бренд кылдытыны дышетӥз.

Дышетскон сяна егитъёсын тренгъёс, деловой шудонъёс, синмысь синме вераськонъёс ортчытиз психолог Лариса Усакова. Со дышетиз пиналъёсты асьсэлэсь млпанзэс кышкатэк но возьдаськытэк вераны, секыт ваче вуон учыръёсысь потыны быгатыны.

Озьы ик пиналъёслы луонлык кылдӥз Удмурт Элькунлэн Тӧроеныз А.В. Соловьёвен пумиськыны. Шутэтскон программа но узыр вал. «Эктон корка» стидиен ӵош егитъёс калык эктонъёсын тодматскизы но «Эктоникаен» ӵош позыръяськизы.

Озьыен, нырысетӥез таӵе симинар пӧрмиз шуыны луэ. Со сярысь верало пиналъёслэн вотэс бамын гожъям постъёссы. Соос тырмемын пуромем мылкыдэн, асьсэлэн кужымзылы осконэн, мытэм ужзэс азьланьтон малпанъёсын, выльысь пумиськыны осконэн.

Кылдэм юанъёсын вазиськоно таӵе телефонъя: 8 904 837 14 33 (Тронина Ольга Алексеевна).