Удмурт егитъёслэн “Шунды” мерлыко огазеяськонзы арлы быдэ егит азьветлӥсьёслы “Вамыш” смена радъя. Туэ со 10-тӥ ползэ люказ нылъёсты но пиосты. Таяз радэ смена сӥземын вал вожатойёсты дасянлы.

5 нунал куспын егитъёс психология но мер уж удысъёсын тодон-валанзэс будэтӥзы, асьсэды сцена вылын возьыны, пиналъёсын сюлмысь вераськон нуыны, командаен ужаны дышетскизы, “Где логика?” туала телешоу но “Дидигон” ролевой шудонъёсы пыриськизы, “Шудком” но “Крестики-нолики” шудонъёсын визьзэс сыназы. Йылпумъяськиз смена отръядъёслэн дасям ужрадъёсынызы, татын егитъёс возьматӥзы ваньзэ, малы дышизы та нуналъёс куспын. Улоназы валь вамыш лэсьтыны соос дасесь!