30-тӥ южтолэзе Ижкарысь нылпи юртын выль арез пусйизы азербайджан калыклэн сям-йылолъёсызъя.

Тулыс вуэ асьме доры, сьӧраз вае выль осконъёс, ёзвиосмы тырмо выль кужымен, сюлэммы – яратонэн. Соин но, вылды, куд-ог калык, кылсярысь, азербайджанъёс, выль арлэсь вуэмзэ пусъё ӵапак арлэн та дыраз.

Россиысь азербайджан егитъёслэн «АМОР» мерлыко огазеяськонысьтызы ёзчиосын ӵош И.Д. Пастухов нимо лыдӟетъюртлэн ӧнерчиосыз арлы быдэ пиналъёслы верало Новруз Байрам праздник сярысь. Соосты шумпотыса витё нылпи юртысь эшъёссы.

Та праздникын пиналъёс азербайджан калыклэн сям-йылолъёсыныз тодматскем сяна, кылзӥсько калык кырӟанъёсты, дышето калык эктонъёсты, шудо калык шудонъёсын. Таӵе праздникъёс нимаз калыклэсь аспӧртэмлыксэ гинэ уг возьмато, соос возьмато калыкъёслэсь огкадь луэмзэс но, угось ваньмы асьмеос ӟечезлы оскыса, улонэз яратыса улӥськомы.