Елена но Геннадий Тимченкоослэн юрттэт сётӥсь фондэнызы ялэм «Культурная мозаика малых городов и сёл» вожвылъяськонлы йылпумъянъёс лэсьтэмын. 2 470 сётэм ӵектосъёс пӧлысь 122-лы коньдон висъямын луоз.

Асьмен элькунысьтымы куинь огазеяськонъёс быгатӥзы утыны коньдон та фондысь. Соос пӧлын:

1. «Творчествоя огинэт «Рыба морзе – Кама рекордз» коммерциен герӟаськымтэ аскивалтӥсь огазеяськон. Проектлэн нимыз«Boobby cartoon» (Пичи Пурга ёрос, Бобья-Уча гурт);

2. «Ува ёросысь клубъёслэн огъям сӧзнэтсы» муниципал коньдэтэн возиськись лулчеберетъя ужъюрт. Проектлэн нимыз «Лето в неолите» (Ува ёрос, Нылга черкогурт).

3. Удмурт егитъёслэн «Шунды» мерлыко огазеяськонзы. Проектлэн нимыз «Арт-экспедиция» (Яр, Игра, Якшур-Бöдья, Пичи пурга, Алнаш ёросъёс).

Вормисьёсты бырйыкузы жюри учкиз ӵектослэсь мерлыклы кулэлыксэ, яркыт но кулэлыко малпанъёссэ, трос аръёс ӵоже быдэстыны луонзэ но емышсэ.

Озьы жюриен быръемын вал 122 ӵектос. Кыӵе огазеяськон кӧня коньдон басьтоз ивортэмын луоз вормисьёсын огъякыл гожтэм бере.

Вожвылъяськон возьматӥз, макем мур но узыр лулчеберет возиське улосвылъёсын. Фондэн висъям коньдон юрттоз кыдёкысь пичи каръёсты но гуртъёсты туризм ласянь азинтыны.

Ксения Геннадьевна Франк, Елена но Геннадий Тимченкоослэн юрттэт сетӥсь фондзылэн эскерись кенешсылэн тӧроез ортчем вожвылъяськон сярысь мылкыдзэ вераз: «Тау кариськомы вожвылъяськонэ пыриськисьёслы. Татчы пыриськизы зэмос профессионалъёс, кинлэн сюлмыз висе лулчеберет понна. Табере ӵыдытэк возьмаськомы чекосъёслэсь быдэстӥськемзэс. Вожвылъяськон возьматӥз шаермылэн тужгес но кыдёкысь сэрегъёсаз но вань адямиос, кудъёсыз дась асьсэлэсь но котыр калыксылэсь улонзэс воштыны, ӟечгес карыны».