Вӧй дыр кутскиз, эшъёс! Озьыен Тулыс матэктэ ини асьме доры!

Котькуд ар Удмурт Элькунысь йӧскалык политикая министерство Удмурт Элькунысь ӟуч лулчеберетъя огазеяськонэн ӵош шаермылэн одӥг сэрегаз ортчыто Вӧй келян шулдыръяськон. Ойдолэ ӵошен келяломе тол куазез но дасяськом пумитаны тулысэз.

Туэ Вӧез келяломы 2-тӥ южтолэзе Дэри черкогуртын. Шор площадьын ужалоз 2 сцена: Администраци ужъюрт дорын но лулчеберетъя «Центральный» оъет азьын.

Та бадӟым ужрадэ ӧтемын Удмурт Элькунлэсь Тӧроезлэсь ужзэ быдэсъясь А.В. Соловьёв, Удмурт Элькунысь Кун Кенешлэн Тӧроез В.П. Невоструев, министръёс, муниципал кылдытэтъёслэн Тӧрооссы, котькуд ёросъёсысь делегациос.

Вашкала дырысен калык шумпотыса, ӵыдытэк витиз та шулдыръяськонэз. Вӧй келянэз тужгес новозьмазы быдэ вуэм нылъёс но пиос, угось татын соос шудон-серекъянъёс пыр ог-огенызы тодматскылӥзы. Бӧрысь, быдӟым кӧс возён бере, сюанъёс шудӥзы. Ӵапак выль кенъёсты учкон йылоллы сӥземын та аре праздник. Котькуд ёрос аслэсьтыз выль кензэ возьматыны ваёз. Быръем нылашъёс быдэс элькунлы возьматозы асьсэлэсь быгатонлыкъёссэс. Озьы ик вожвылъяськонэ пыриськыны быгатэ выль паръёс-кузпалъёс.

Лыктэм куноосты витё тунсыкоесь шудонъёс, шулдыресь кырӟан-эктонъёс, пӧсь чай, ческыт табань, тыл вамен тэтчан, мунё тупатонъя мастер-классъёс.

Праздниклэн программаез:

09.30 – Куно пумитан;

11.00 – Праздникез усьтон;

11.30 – «Масленичные смотрины» театр возьматон;

15.00 – Куро сульдэрез ӝуатон;

16.00 – Куно келян.

Ватсаса тодэт басьтыны луэ таӵе телефонъя: 8(3412) 63-10-55 – Удмурт Элькунысь ӟуч лулчеберетъя огазеяськон; 8 (3412) 62-13-91 – «Дэри ёрос» муниципал кылдытэтлэн администрациез