Та бадӟым нылпи шулдыръяськон туэ витетӥ ползэ радъяське ини. Татчы пырисько 5-17 аресъем усточиос. Кин ке соос пӧлысь кырӟалоз, кин ке эктонэныз паймытоз, нош кин ке но чебер вераськыны быгатэмзэ возьмтоз. Коньывуон толэзе Глазкарын, Можгаын но Ижкарын интывыл туръёс ортчизы. Отын быръемын вал тужгес но устоосыз номеръёс. Удмуртиысь сяна татчы вуозы Башкортостан, Татарстан но Пермь улосъёсысь пиналъёс.

Фестивалез радъяло: Калыкъёслэн Эшъяськон юртсы, «Глазкар» муниципал кылдытэт, «Можгакар» Муниципал кылдытэт, Удмурт Элькунысь бигеръёслэн йӧскалык лулчеберетъя улосвыл автономизы, бигер егитъёслэн «Иман» огазеяськонзы, Пиналъёслы ватсаса тодон-валан сётонъя элькун центр, Удмурт Элькунысь йӧскалык политикая министерство.