16-тӥ пӧсьтолэзе Мускоын, «Эрмитаж» паркын, Гербер шулдыръяськон ортчоз. Праздник улсын Удмуртия аслэсьтыз пӧртэм удысъёсын вормонъёссэ возьматоз.

Шулдыръяськон но шудон-серектон сяна, куноослы та нуналэ нимысьтыз адӟытон дасямын луоз. Со сӥземын элькунмылэн социально-экономической, туристической но инвестиционной быгатонъёсызлы.

Кылсярысь, Ижкарысь автозавод Lada Granta, LADA Vesta машинаоссэ возьматоз. Кызьы ивортӥз Вероника Кислинская, «Автовазлэн» маркетинг ёзэтысьтыз ӧнерчи, LADA Vesta модель “Новинка года” номинациын вормисе потӥз. Озьы ик со Россиын басьтоно машинаос пӧлын 4-тӥ интыын сылэ. Басьтӥсьёс пусъё солэсь чебер вылтуссэ, туалалыко технической характеристикаоссэ.

«Эрмитаж» садын озьы ик тодматскыны луоз «Калашников» концернлэн лэсьтэм ужъёсыныз. Та арын «Калашников» брендэн 4 пӧртэм ожтӥрлык вузаны поттэмын. Соос пӧлын 12 калибрен «Сайга 12К» пыӵал. Кызьы ивортэ концернлэн нимлыко вотэсбамез, та пыӵал пӧйшураны но, астэ утьыны но ярамон луэ. «Калашников» концернлэн маркетингъя директорез Владимир Дмитриев вера: «Ми асьмелэсь басьяськисьмес тыршиськомы кылыны, соин ик выльдӥськомы модельёсмес. Со юрттэ милемлы ожтӥрлык поттон удысын нырысетӥосыз пӧлын луыны».