2-тӥ гудырикошконэ Ижкарын, Кызьпу арамаын, удмуртъёслэн «Выль» шулдыръяськонзы ортчоз. Ужрадэз ортчытэ «Удмурт лулчеберетъя «Дэмен» огазеяськон Удмурт Элькунысь йӧскалык политикая министерстволэн юрттэмез улсын. Валтӥсь меретъёсыз: удмурт лулчеберетэз карын кулэлыко карон но ӝутон, Удмуртиын улӥсь пӧртэм выжыысь калыкъёсты удмуртъёслэн сям-йылолъёсынызы тодматон.

«Выль» сӥземын Инмарлы, Куазьлы но Кылдысинлы удалтэм ю-нянь но бакча сиён понна тау каронлы. Котькуд арын кадь ик шулдыръяськон кутскоз ӝукез но бакча сиёнъёсты вӧсян бордысен. Калыкез шулдыртозы удмурт эстрадаысь кырӟасьёс но фольклор коллективъёс, радъямын луозы киужъёсын вузкарон-адӟытон, пӧртэм мастер-классъёс, нылпиослы шудон-ӵошатсконъёс. Арлы быдэ шулдыръяськонэ карысь но котыр ёросъёсысь удмуртъёс люкасько. Ужрадъясьёслэн малпамзыя, туэ празднике ог 1500 адями пыриськоз.

Ужрад кутскоз 18.00 часэ.

Программа:

Ватсаса ивортодэт:

8 922 5097444 – Роман Вячеславович Дементьев, «Удмурт лулчеберетъя «Дэмен» огазеяськонлэн кивалтӥсез.