13-тӥ южтолэзе Удмурт Элькунысь Вотка ёросысь Перевозное черкогуртын «Блинный переполох на Масленице» ӟуч калык шулдыръяськон ортчоз.

Шулдыръяськонэз ортчытыны инты огшоры быръемын ӧвӧл. Угось татын ӟуч калык сям-йылолъёсты тодо но утьыны тыршо. Татын интыяькемын Вознесенской храм, кудзэ учкыны быдэс элькунысьтымы но палэнысь улосъёсысь адямиос вуо. Татын ик кышномуртъёслэн Успенской монастырьзы но вань. 2010-тӥ арысен «Чудотворное село Перевозное на родине П.И. Чайковского» турист маршрут ужа.

Котьку сямен Вӧй келян шулдыръяськонэ трос калык люкаське. Туннэ нунал понна вашкалы праздник пӧртэм выжыысь калыкъёсты огазеясь, тупаса улонэз радъяны юрттӥсь ужрад луэ.

Куноосты ческыт чай но табань сяна возьмало шудон-серектонъёс, кырӟанъёс но эктонъёс, вожвылъяськонъёс но куро мунёез ӝуатон.

Ужрад ортчоз Лулчеберет юрт вӧзысь паркын. Кутсконэз 11.00 часын

Ужрадъясьёс: Удмурт Элькунысь йӧскалык политикая министерство, Удмурт Элькунысь ӟуч лулчеберетъя огазеяськон, Калыкъёслэн Эшъяськон юртсы, «Вотка ёрос» муниципал кылдытэт, Удмурт Элькунысь лулчеберетъя но туризмъя министерство.