XII Россиякуспо ӟуч лулчеберетъя «Высокий берег» фестиваль 27-тӥ инвожоысен 29-тӥ инвожоозь Сарапул ёросысь Нечкино черкогуртын ортчиз. Та ужрад – лулчеберетъёсты, сям-йылолъёсты утён, азинтон но вӧлмытон инты.

Йӧскалык шулдыръяськонъёс калык кусыпъёсты юнмато но азинто, Россиысь калыкъёслэсь лулчеберет узырлыксэз утё, та ужпумъёс «Семья» йӧскалык ӵектослэн азьмугъёсызлы тупало.

Фольклор коллективъёс, киужъёсъя усточиос, этнографъёс, кылосчиос (фольклоръя ӧнерчиос) ӟуч лулчеберетэз эскеронъя, улӟытонъя, утёнъя но азинтонъя площадкае люкаськизы. Ужрадэ Удмуртиысь, Башкириысь, Татарстанысь, Москваысь, Пермьысь, Калугаысь, Йошкар-Олаысь, Самараысь но мукет интывылъёсысь коллективъёс вуизы.

Ужрадын тодослыко но лулчеберет программа дасямын вал, кудаз пыризы Сарапул ёросысь гуртъёсы этнографической экспедициос, мастер-классъёс, котырес ӝӧк но дышетонъя ужрадъёс.

«Прикамья – планки золотые» егит арганчиослэн фестивалязы пинал ӧнерчиос быгатонлыкъёссэс адӟытозы. Нырысетӥзэ семья чорыганъя фестиваль ортчиз.

Ӟуч лулчеберетъя «Высокий берег» фестиваль бадӟым ужпум кылдытэ: Россиысь лулчеберет узырлыкез утён но вӧлмытон понна кулэ туж кулэ луись площадка луэ.