«Яндекс» компанилэн пресс-службаезлэн ивортэмезъя, сервисэз уже кутыса удмурт кылъёсты но кыл сочетаниосты 67 кылэ берыктыны луэ.

Яндекслэн берыктон программаезлэн инъетэз луэ статистика: машина берыктэ пӧртэм кылъёсын гожтэм одӥг кадь текстъёсты ӵошатыса. Программаез лэсьтӥсьёс верало, удмурт кыл машина понна тужгес секыт луэ, угось вотэсбамын удмурт но мукет кылъёсын одӥг кадь пуштросэн текстъёс шер пумисько. Али удмурт кылэ берыктон эскерон режимын гинэ ужа. Соин ик пумиськыны быгато шекъёс но. Янгышъёсты тупатыны быгато берыктон программаез уже кутӥсьёс. Таӵе уж Яндекслы юрттоз берыктонлэсь ӟечлыксэ будэтыны.

Яндекс компания тау каре удмурт кылын корпус кылдытон бордын тыршисьёсты – Тимофей Архангельскийлы, Мария Медведевалы, «МУШ» но «Удмуртлык» огинъёслэн ёзчизылы Ольга Урасиновалы.