Удмурт Элькунысь Йӧскалык политикая министр Ижкарысь Аня нылашлэсь малпанзэ быдэстӥз.

Нылмурт 43-тӥ школаын ӟеч дышетске. Со сяна, мукет удысъёсын но кибашлы луэ: суредаське, киын пӧртэм арбериос лэсьтэ.

Таяз аре Аня 9-тӥ классэз йылпумъялоз. Али со тыршыса экзаменъёслы дасяське.

Эдуард Степанович сӥзиз нылашлы юн тазалык но выль вормонъёс!

Тодэ вайёно, Удмурт шаерын «Ёлка желаний» нимо акция 5-тӥзэ радъяське ни. Та ужрадэ пыриськыны котькудӥз быгатэ вал.