30-31-тӥ пӧсьтолэзе удмурт егитъёслэн “Шунды” мерлыко огазеяськонзы Удмурт Элькунысь йӧскалык политикая министерстволэн но «Вотка ёрос» муниципал кылдытэтлэн юрттэмез улсын ужась егитъёс понна «Юр-Яр» турист фестиваль ортчытоз. Туэ, кылем арын кадь ик, егитъёс люкаськозы Вотка музъем вылын.

Куинь ар куспын туристической слёт егитъёслэн тужгес но яратоно ужрадзы луиз. Со элькунмылэн пӧртэм ёросъёсысьтыз ужась удмурт егитъёслы ог-огенызы пумиськыны, асьсэлэсь турист быгатонлыкъёссэс, сэзьлыксэс, чидась луэмзэс возьматыны луонлык сётэ. Жюри учкоз егитъёлэсь турист полоса ортчемзэс, палатка пуктыны быгатэмзэс, интызэс чебер но улымон каремзэс, тыл вылын сиён дасямзэс. Озьы ик дунъялозы визитказэс но. Татчы егитъёс удмурт кылын турист кырӟан но видеоролик дасяны кулэ. Йылпумъяськоз ужрад футбол шудонэн.

Кылдэм юанъёсъя вазиськоно «Шунды» мерлыко огазеяськонлэн кивалтӥсезлы О.А. Трониналы 89048371433 телефонъя.