24-25-тӥ куарусёнэ Дэбес черкогуртын сиён дасян устолыкъя «Зарни – Ё перепеч, табань но пельнянь!» улосвылкуспо фестиваль радъяськоз.

Ужрадэ пыриськозы сиён дасясь ужъюртъёс, нимаз ужбергатӥсьёс, йӧскалык огазеяськонъёслэн ёзчиоссы, сиён пӧрасьёс. Фестиваль улсын кибашлыослэн ужъёсынызы адӟытон-вузкарон, пӧртэм пумо мастер-классъёс, нылпиослы шудон площадкаос ужалозы. Куноос тодматскозы перепечез пӧран амалъёсын. Дэбесын та ческыт сиёнэз 50 пӧртэм пӧраны быгато, пе.

Ужрадэ пыриськисьёс асьсэлэн пӧрам сиёнэнызы тодматозы, удмурт перепеч, табань яке пельнянь сярысь такмак кылдытозы. Тужгес но устоез такмак нимысьтыз кузьым басьтоз. Жюри озьы ик пусъёз «2016-тӥ арлэн тужгес но устоез удмурт сиёнэз», «Тужгес но пичи перепеч/табань», «Аспӧртэмлыко перепеч» номинациосты. Учкисьёслы ярам пӧрасез но нимысьтыз кузьымен дунъялозы.

Фестивальлэн материалъёсыныз буклет поттыны чакламын.

Ватсаса ивортодэт басьтыны луэ та телефонъёсъя:

8 (34151) 4-17-15, 89508128944 – Докучаева Надежда Васильевна,

8 (34151) 4-14-10, 89508238643 – Опарина Галина Вениаминовна.