16-тӥ тулыспалэ Воткакарын 25-тӥ ползэ радъяськиз «Жингырты, удмурт кырӟан» нимо фестиваль.

Та фестивалез ортчытон бордын арысь аре тыршо Вань удмуртъёслэн «Удмурт кенеш» ассоциацизылэн Воткарысь ёзэтэз но «Тюрагай» ансабль (кивалтӥсез С.С. Трофимов». Бадӟым юрттэт котьку но сётэ карлэн Администарциез.

Фестивале номеръёсынызы пыриськизы нылпослэн, егитъёслэн, арлыдоослэн коллективъёссы. Вератэк кельтыны уг луы тужгес но тодмо куноос сярысь. Празднике лыктэмъёслы ӟеч мылкыдзэс кузьмазы Брангуртысь песянайёс.

Ужрадэз ортчытон бордын тыршисьёсты ӟечкылаз Удмурт Элькунысь йӧскалык политикая министерсвоысь ӧнерчи В.В. Васева: «Воткакырын котьку быдӟым саклык висъяське удмурт кылэз, удмурт калыклэсь лулчеберетсэ азинтонлы. Со понна бадӟым тау шуэммы потэ Воткакар Администрацилэн Лулчеберетъя, спортъя но егитъёсын ужан политикая кивалтонниезлы. Фестивале тамында адями люкаськиз бере, озьыен со калыклы кулэ, озьыен – та ужез азьланьтоно!» Праздникез радъясьёс Удмурт Элькунысь йӧскалык политикая министерстволэн таукаронэныз пусъемын вал.