Йӧскалыккуспо журналистикая гильдилэн Удмуртиысь ёзэтэз йӧскалык кусыпъёс темаен ужась журналистъёсты дасянъя школаяз дышетскисьёсты ӧте.

Тодон-быгатолыксэс азинтӥсьёслы программа дасямын ини. Дышетон радъяськоз таӵе оръёсъя:

– улосвылъёслэн калык лулчеберет узырлыксы;

– Россия Федерацилэн йӧскалык политикаезлэн катрадлык инъетэз;

– ивор вӧлмытон валтосъёсын йӧскалыккуспо темаосты югдытонлэн аспӧртэмлыкъёсыз но ивор вӧлмытон валтосъёслэсь ужзэс эрикрад ласянь шонер радъян;

– йӧскалык темаен ужась журналистлэн этикаез;

– федерал но улосвыл ивор вӧлмытон валтосъёсын йӧскалыккуспо ченгешонъёсты югдытонлэн аспӧртэмлыкъёссы;

– кӧчылан ужпум но сое ивор вӧлмытон валтосъёсын югдытон.

Вылӥ верам ӧръёс сяна, прогаммаын вань на мукет темаос, кудъёсыз герӟаськемын йӧскалык кусыпъёсын.

Улосвыл школаысь ӧнерчиос Йӧскалыккуспо журналистикая гильдилэн кивалтӥсьёсыныз видео-конференци радъяны малпало. Озьы ик мукет улосъёсысь журналистъёсын вераськон-кенешонъёс чакламын .

Курсъёсы пыриськыны ӵекто студентъёслы яке егит журналистъёслы (28 аресозь). Дышетскон понна дун тыроно уз луы. Кенешон-вераськон ортчытэм бере, группае 10-12 адями кутэмын луоз. Дышетскон кыстӥськоз 3 толэзь.

Ивортодэт басьтэмын : Моя Удмуртия